في أمان الجرح

ِقصيدة القاها الشاعر محمد بن عمر الشهري
في برنامج شاعر المليون بعنوان فمان الجرح

فمان الجرح .. لا والله فمـان احزانـي الكُبـرى
فمان اغلى ثلاث سنين مِتّ بْها عشـان اعيـش
فمان الحب واحلام القلـوب البيـض والخضـرا
فمان الآه من كثر الزعـل والشـوق والتطنيـش
فمان عيونك اللي مالها بين العيـون .. اُخـرى
فمان غرورك اللي علّم الطاووس نفْـش الريـش
فمان عطورك اللي تسكن انفاسي .. وبالأحـرى
فمان انفاسك اللي تسكن عطوري ومدري ليـش؟
فمان الليل .. واحضان الدفا .. ومْصافح القمـرا
فمان الباب والشبّـاك يـوم أواعـدك ونطيـش
فمان التوت .. والرمان .. واحلى فاكهـه حمـرا
فمان الضحكه اللي كنّها مـن مبسمـك بخشيـش
فمان غيابك اللي ماتـرك لمواصلـك .. بُشـرى
فمان الشك وظنون الخطا والكـذب والتشويـش
فمان العيد .. كنّي به يجينـي وحالتـي تـزرى
يطبْطبْ فوق أكتافي حزن ويقـول لـي: معليـش
فمان الجوع واحساس العطش .. ومفارقك صحرا
تعبـت افتـش لْواحاتهـا واضنانـي التفتيـش
فمان ضلوع مكتـوبٍ علـى أنحاءهـا اليُسـرى
هُنا توجد جروحي " لو تكرّمتـي : بـلا تنبيـش
فمان دموع لا تُسمـن ولا تُغنـي مـن الذكـرى
وانا اللي ماقدرت اطلع من اجوائي معك بشويـش
فمان الشارع اللـي كلمـا جيتـه .. وانـا أقـرا
معاناتي من أول يوم في وصلك إلـى التهميـش
فمان الشاعر اللـي يجمـع بتجربْتـه الصغـرى
فكر بدر .. ورومنسيّة نزار .. وفلسفة درويـش
فمان العاشق المجنـي عليـه .. بتسليـة عـذرا
من اول "بعشقك" حتى نهايـة " مـا تصبّرنيـش "
فمان الخوف ويدينـك جنـود وأضلعـي أسـرى
وأنا فيني من الإحباط .. مايكفي هزيمـة جيـش
فمـان أشيـاء ما تنقـال للعالـم .. ولا تطـرى
ممالك حُب .. دمّرها اللعب وسْياسـة التطفيـش
فمان الإيش ؟ ما أدري .. ولكـن الزمـان أدرى
وأنا اللي ضاع مايدري .. حبيبه ضيّعه لجل ايش؟
فمان الله يا قلبـي مـع أنـك جـرح مـا يبـرى
كتب ربي عليّ أعيش من دونك .. وأنا ما أعيش