أنتي ولا شي

قصيدة حامد زيد


--------------------------------------------------------------------------------

انتي ولا شيّ
والله وصرتي تستهينين فيني
وأنا الذي سويت لك قدر بيديّ
تدرين وش كنتي قبل تعرفيني ؟
أن قلت لك كنتي ولا حاجة شويّ
أنا الذي فرشت لك رمش عيني
وعملت منك شي وأنتي ولا شيّ
جيت أعشقك ما جيتك لك تحقريني
جيت أسكنك بسمة ما هو بسكنك غيّ
لا صرت عامل لك قدر قدريني
ترى الكرامة صفحة ما لها طيّ
ما دام ما جيتي غلا لا تجيني
نار الجفا عندي ولا الذل بالفيّ
والله لأهجرك قبل لا تهجريني
اجل تبيعيني وأجيلك برجليّ
يا تتركين الكبر يا تتركيني
لأن المحبة شي والمهزلة شيّ
إن كانت الدعوة غلاي وحنيني
يمكن يزول الحقد ويشعشع الضيّ
لكن حكاية ينحني لك جبيني
في ذمتي ما ينحني لك وأنا حيّ